अकोला संवाद - जिल्हा माहिती कार्यालय अकोला

  जिल्हाधिका-यांकडून दुष्काळग्रस्त शेतीची पाहणी ‘मनरेगा’मध्ये अधिकाधिक कामे राबवा -         जिल्हाधिकारी वर्षा मीना जिल्ह्यात सर्वत्र पंचनामे सुरू; वेळेत पूर्ण करण्याचे जिल्हाधिका-यांचे निर्देश अकोला, दि. ३० : जिल्ह्यातील शेतांचे पंचनामे तत्काळ पूर्ण करून घ्यावेत. ‘मनरेगा’च्या माध्यमातून शेतरस्ते, विहीरी आदी कामे राबवून ग्रामीण भागात अधिकाधिक रोजगारनिर्मिती करावी, असे निर्देश जिल्हाधिकारी वर्षा मीना यांनी आज दिले. जिल्हाधिकारी श्रीमती मीना यांनी आज येवता, येळवण, कानशिवणी येथे भेट देऊन दुष्काळी परिस्थितीने नुकसान झालेल्या शेतीची पाहणी केली, त्यावेळी त्या बोलत होत्या. तहसीलदार कुणाल झाल्टे, प्र. जिल्हा अधिक्षक कृषी अधिकारी तुषार जाधव, कृषी उपसंचालक हरिश देशमुख आदी उपस्थित होते. कपाशी, सोयाबीन व संत्रा पीक उत्पादकांच्या नुकसानाची प्रत्यक्ष पाहणी करून जिल्हाधिका-यांनी नुकसानाचे पंचनामे त्वरित पूर्ण करण्याचे निर्देश दिले. त्या म्हणाल्या, शेतकरी बांधवांना जास्तीत जास्त मदत मिळण्यासाठी सविस्तर व तपशीलवार पंचनामे करावेत. दुष्काळी स्थितीमुळे पी...

    सेवा संकल्प अभियानात विविध उपक्रमांना गती ‘समाजकल्याण’तर्फे ज्येष्ठांना ‘वयोश्री’बाबत माहिती; तेल्हा-यात पात्र व्यक्तींना लाभवितरण अकोला, दि. २९ : ' सेवा संकल्प अभिया नात' जिल्ह्यात विविध उपक्रमांना गती मिळाली आहे. विविध योजनांविषयी जनजागृतीबरोबरच पात्र लाभार्थ्यांना लाभ वितरणाच्या कार्यक्रमांनाही वेग आला आहे.   तेल्हारा तहसील कार्याल यात सामाजिक न्याय व विशेष सहाय्य विभागांतर्गत येणाऱ्या विविध योजनांमधील लाभार्थ्यांच्या अडचणी जागेवरच सोडवून २९ पात्र लाभार्थ्यां ची प्रकरणे मंजूर करण्यात आली आणि त्यांना आज मंजुरी आदेशांचे थेट वाटप करण्यात आले. तहसीलदार महेश रामगुंडे व इतर अधिकारी उपस्थित होते. या शिबिरामध्ये संजय गांधी निराधार योजना , श्रावणबाळ सेवा राज्य निवृत्तीवेतन योजना आणि इंदिरा गांधी राष्ट्रीय वृद्धापकाळ निवृत्तीवेतन योजना यांसारख्या सामाजिक न्याय विभागाच्या विविध योजनांच्या लाभार्थ्यांनी हजेरी लावली होती. शासकीय कागदपत्रांमधील त्रुटी किंवा इतर तांत्रिक अडचणींमुळे प्रलंबित असलेल्या प्रकरणांची अधिकाऱ्यांनी सखोल तपासणी केली. सर्व त्रुटी दूर करून २९ पात्र ...

 अमरावती विभाग शिक्षक मतदारसंघ निवडणूकीची सुचना मंगळवारी प्रसिध्द अमरावती, दि.२९ : महाराष्ट्र विधान परिषदेसाठी अमरावती विभाग शिक्षक मतदारसंघातून एका सदस्याची निवडणूक घ्यावयाची आहे. यासंबंधीची घोषणा भारत निवडणूक आयोगाने नुकतीच केली असून त्यानुसार विभागीय आयुक्त तथा निवडणूक निर्णय अधिकारी अमरावती विभाग शिक्षक मतदारसंघ, अमरावती यांनी निवडणुकीची सूचना आज प्रसिद्ध केली आहे. निवडणूकीसाठीची नामनिर्देशनपत्रे उमेदवाराला किंवा त्याच्या कोणत्याही प्रस्तावकाला, निवडणूक निर्णय अधिकारी तथा विभागीय आयुक्त, अमरावती विभाग, अमरावती किंवा सहायक निवडणूक निर्णय अधिकारी तथा सहआयुक्त (सामान्य प्रशासन) विभागीय आयुक्त कार्यालय, अमरावती यांचेकडे मंगळवार ६ ऑक्टोबर, २०२६ पर्यंत कोणत्याही दिवशी (सार्वजनिक सुट्टी व्यतिरिक्त) सकाळी ११ ते दुपारी ३ वाजेपर्यंत विभागीय आयुक्त यांचे कार्यालयात सभागृह क्र. २ तळमजला, विभागीय आयुक्त कार्यालय, कॅम्प, अमरावती येथे दाखल करता येतील. नामनिर्देशनपत्रे वर उल्लेख केलेल्या ठिकाणी व वेळी मिळू शकतील. नामनिर्देशनपत्रांची छाननी बुधवार ७ ऑक्टोबर, २०२६ रोजी सकाळी ११ वाजेपासून निवडणूक ...

 सेवा संकल्प अभियान अंतर्गत "जल, जन आणि सेवा संकल्प यात्रा" उपविभागीय अधिकारी कार्यालय मूर्तीजापूर, तहसील कार्यालय मूर्तीजापूर व मृद व जलसंधारण विभाग मूर्तीजापूर यांच्या संयुक्त विद्यमाने आज दि. 28.09.2026 रोजी आयोजित करण्यात आली.  सदर यात्रेत सर्व शासकीय विभाग तसेच शाळा महाविद्यालये व सामान्य नागरिक यानी उत्स्फूर्त सहभाग नोंदवला. या पदयात्रेदरम्यान जलसंधारण व पाणी बचत करण्याबाबत संदेश देण्यात आला.

  शेतकऱ्यांसाठी विविध सवलती व उपाययोजना; शासनाचा निर्णय; अकोला जिल्ह्यातील सातही तालुके समाविष्ट  संकटकाळात  शेतकऱ्यांना पूर्ण पाठबळ  –पालकमंत्री ॲड आकाश फुंडकर अकोला, दि. २६  : खरीप हंगामातील पर्जन्यमानातील तूट, पिकांची प्रतिकूल स्थिती आणि उपलब्ध पाणी परिस्थितीचा विचार करून अकोला जिल्ह्यातील तालुक्यांतील दुष्काळसदृश परिस्थितीच्या यादीत (ट्रीगर-१) अकोट, अकोला, पातूर, तेल्हारा, मूर्तिजापूर, बाळापूर व बार्शिटाकळी या सातही तालुक्यांचा समावेश करण्यात आला आहे. याबाबत राज्य शासनाने  शासन निर्णय निर्गमित केला आहे. जिल्ह्यातील शेतकऱ्यांना दुष्काळसदृश परिस्थितीतील विविध उपाययोजना व सवलतींचा लाभ मिळेल. संकटकाळात  शेतकऱ्यांना पूर्ण पाठबळ देणे हे शासनाचे प्राधान्य आहे. शेतकऱ्यांना शासनाच्या विविध सवलती व मदत वेळेत मिळवून देण्यासाठी शासन कटिबद्ध आहे, अशी ग्वाही कामगार मंत्री तथा पालकमंत्री ॲड आकाश फुंडकर यांनी दिली. बाधित भागातील पिकांचे  पंचनामे तात्काळ पूर्ण करावेत, असे निर्देश त्यांनी प्रशासनाला दिले आहेत. खरीप २०२६ मधील पर्जन्यमानातील तूट, पिकांची स्थिती आ...

  श्री बाराभाई गणपतीचे पालकमंत्र्यांच्या हस्ते पूजन अकोला, दि. २५ : राज्याचे कामगार मंत्री तथा जिल्ह्याचे पालकमंत्री ॲड. आकाश फुंडकर यांच्या हस्ते अकोला शहरातील पहिल्या मानाच्या श्री बाराभाई गणपती विसर्जन मिरवणुकीत श्रीगणेशाचे पूजन करण्यात आले. यावेळी श्रीगणेशाची महाआरती करण्यात आली. खासदार अनुप धोत्रे, आमदार रणधीर सावरकर, आमदार साजिद खान पठाण, महापौर शारदा खेडकर, माजी आमदार अमोल मिटकरी, बबनराव चौधरी यांच्यासह सार्वजनिक गणेशोत्सव मंडळाचे पदाधिकारी आदी उपस्थित होते. ०००

  ‘ लोकसंवाद’ अभियानाच्या माध्यमातून शासकीय योजनांचा जागर कौशल्य विकास, रोजगार, उद्योजकता व नाविन्यता विभागाच्या योजनांबाबत दिली माहिती जिल्हा माहिती कार्यालयाचा अभिनव उपक्रम   अकोला, दि. २३ : सार्वजनिक गणेशोत्सवाच्या माध्यमातून शासनाच्या विविध योजना, उपक्रम आणि धोरणात्मक निर्णयांची माहिती नागरिकांपर्यंत थेट पोहोचवण्यासाठी माहिती व जनसंपर्क महासंचालनालयातर्फे लोकसंवाद- २०२६ हा विशेष उपक्रम राबविण्यात येत आहे. या उपक्रमांतर्गत आज शहरातील न्यू आझाद गणेशोत्सव मंडळापुढे कौशल्य विकास, रोजगार, उद्योजकता व नाविन्यता विभाग आण‍ि महाराष्ट्र संशोधन, उन्नती व प्रशिक्षण प्रबोधिनी   (अमृत) या विभागाव्दारे युवक-युवतींसाठी राबविण्यात येणाऱ्या योजनांबाबत माहिती देण्यात आली.   यावेळी कौशल्य विकास अधिकारी नागेश देशपांडे व रोजगार अधिकारी प्रवीण बांबोडे तसेच अमृतच्या समन्वयक कु. प्राची देव यांनी संबंधित विभागाव्दारे राबविण्यात येणाऱ्या विविध योजनांबाबत उपस्थित भक्तगणांना मार्गदर्शन केले. माहिती व जनसंपर्क महासंचालनालयाकडून राज्यभरात दि १६ ते २४ सप्टेंबर दरम्यान लोकसंवादाचा उप...

  ‘रोजगार महाकुंभ’ उपक्रम तात्पुरता स्थगित उमेदवार व नियोक्त्यांनी नोंद घेण्याचे आवाहन अकोला, दि. २४ :  अमरावती विभाग शिक्षक मतदारसंघ निवडणुकीची आदर्श आचारसंहिता लागू झाल्यामुळे अकोला जिल्ह्यात २९ सप्टेंबर रोजी आयोजित करण्यात आलेला ‘रोजगार महाकुंभ महाराष्ट्र ’ हा उपक्रम पुढील आदेशापर्यंत स्थगित करण्यात आला आहे. पुढील तारीख यथावकाश कळविण्यात येईल, असे कौशल्य विकास सहायक आयुक्त प्रफुल्ल शेळके यांनी कळविले. ०००

  सेवा संकल्प ई-प्रमाण सेवा : नोंदणीकृत दस्ताच्या प्रती घरबसल्या मिळणार वेळ, कष्ट व खर्चाची होणार बचत अकोला, दि. २४ : नोंदणी व मुद्रांक विभागामार्फत नागरिकांना नोंदणीकृत दस्तांच्या प्रमाणित प्रती सहज, जलद व पारदर्शक पद्धतीने उपलब्ध करून देण्यासाठी 'ई-प्रमाण डिजिटल सेवा उपलब्ध करून देण्यात आली आहे. या सुविधेमुळे नागरिकांना केवळ प्रमाणित प्रत मिळविण्यासाठी संबंधित कार्यालयात प्रत्यक्ष येण्याची आवश्यकता कमी होऊन वेळ, प्रवासाचा खर्च व मनुष्यबळाची बचत होणार आहे, अशी माहिती मुद्रांक जिल्हाधिकारी संजय चव्हाण यांनी दिली.   जिल्ह्यातील नऊ नोंदणी कार्यालयांमार्फत नागरिकांना नोंदणीविषयक विविध सेवा उपलब्ध करून देण्यात येत आहेत. डिजिटल तंत्रज्ञानाचा प्रभावी वापर करून नागरिकाभिमुख सेवा अधिक सुलभ करण्याच्या दृष्टीने ई-प्रमाण सेवा महत्त्वाची ठरत आहे. व्यावसायिकांनाही सुविधा ई-प्रमाण सेवेचा लाभ केवळ सामान्य नागरिकांनाच नव्हे, तर विधिज्ञ, सनदी लेखापाल, दस्तलेखक, बँका व वित्तीय संस्था, न्यायालयीन कामकाजाशी संबंधित व्यक्ती, शासकीय व निमशासकीय कार्यालये, बांधकाम व रिअल इस्टेट क्षेत...